Mumbai Tuisunsuo 15/03/09 Vol 1 Issue 27

KHAWSAK MIVARHAI

- Darzakhum Songate

Bible ah ei en chun Lal Isu Bethlehem ah a pieng khan khawsak tienga inthawkin mivarhai ama chibai bu’k dingin an hung ti ei hrieta.Mi threnkhat chun kha hun laia Isu chibai bu’k hai kha India ram ah inthawka an hung an ring.Hi an ring hi thil awmtak chu anih.Asan chu kha’ng hunlai khan khawvel civilisation hril tlak chu Roman Lalram, India, China le khu Central America lai khu annih. Saktienga inthawka mivar, arasi hung zui thei ngat um awmna tak chu India anih el.Kha hunlai khan Roman Lalram le India kha nasatakin anlo sumdawng intawn bawk.

Mivarhai kha India ah inthawk fe anni chun Gujarati mi an thrang ngei ring a um. Anni hi India simram a um anni el ba’kah, mivar khawsakna tieng thiem deu annih bawk. An sumdawngna kawng le lam zu suk zau tum malamah Isu chibai zu bu’k khawm ni rawi antih! Gujarati hai hi sumdawng thiem tak annih. America rama motels hai khawm an control zotah leiin Potels (Gujarati Patel hai hming lain) ti’n an ko hiel tah antih. India rama khawsakna changkangtak le sumdawngna control rawntak chu Gujarati hai hi annih. Mumbai hi India commercial capital ania; ei en chun Mumbaia sumdawngna hi 70% vel chu Gujarati hai chalei anih. Eini mi ei va thawkna tamtak hai khawm hi Gujarati hai ta ni tawl atih.

Mumbaiah eini mihai hi en chun lekha hrie deu fur, 95% bek class XII passed ni’ng ei tih. Ei hnam mi lai chu mivar pawl ni hiel ei tih.Hienga lekha iemani chen bek inchu’k deu far Mumbaia hung khawm hai hi hilai local mihai ngaidan in Khawsak Mivar an titawka ngai eini phak di’m chu! Khawsak mi chu eini ngeia, a var tiengpang hin mivar ei kai phak di’m chu aw ti ngaituo a um khawp el. Kai phak inla chu lawm um hle’ng atih.

Geographical khawsak mivar- khawsak tienga inthawka mivar- ti nek hman hin khawsak mivar- nitin fak le dawn zawngna kawnga var- hi nilem hman inla nuom a um zuol.Khawsak thiem inla changkang duok duok inla inhawi ngawt atih. Mumbaia dam in-le-lo nei thei inla. Ei naupang lekha inchu’k ha’n rank insangtak tak hai hung hmu hai sien. Sin nei hai hin promotion hmu deu zing inla. A la hmunaw hai in thra deu deu hlaw tamtawk tak lamna thei sin hung hmu bawk hai sien. Mumbaia ei sir le vela um Gujarati hai ang hin fak le dawn khawsak mivar ni ve thein ngat inla.

Vai sumdawnghai chu kumtawp hin an hlawk le kiem hi an hisap dawp hlak. Balance sheet le profit & loss account an siem hlak. An sum bat zat, neizat, sengzat le an hlawk dan hi an en vawng hlak. Eini chu ei thil chei a chin lei hin chuong taluo lawma thaw khawp ei nei nawh. Nisienlakhwm kumbula inthawk kumtawp chen kiem nekin hlawk hi tum seng ei tiu.Hlaw nei deu seng ei niah, kumbul lai nekin tukum kumtawp chu mani le mani in en seng in ei bank account kai sukpung dan ngaituo seng ei tiu.Ei sukpung seng thei ani chun, Khawsak Mivar tak tak ( khawsak tieng mi ni el baka, khawsakna tienga var ) ni thei ei tih.Gujarati hai ang hin nitin iengzat am ka hawnlut, iengzat am ka seng le zinga iengzat am ka hlawk ding ti hi ngaituo hlak eitiu.Chun Khawsak Mivar tak tak la ni ngei ei tih.

Chanchin Lawrkhom

~ Ramthienghlim chu liem ta Sunday tarik ni 8 khan Dubai tieng sin thralem zawm dingin Mumbai a lo hnusawn tah.Chuong ang lo deuvin ,Donald Ngaite khom hung tlung ding nilaina tarik ni 18 khin Shillong panin suok veng a tih.Thu ei dawng danin,Donald hih inchukna insang lem besei-a tum ru taka a sin thawna hai meu maksana suok a ni leiin,a tumru na hih inchuk tlak tak anih.MT chun a ditsak hle!

~ MT editorial Board member ni lai zing James Daihmingthang khom tulai Sielmat a a cham mek.Ama hih insung thil,innei,lungdaw thrang dinga a unau dang hai le suok anih.Chuong ang bawkin Pu Lalthakhum Khawbung, voikhat exam le interview a pek ding po pe zovin,anu-le-naute khomin an ngai tho ta nieng a tih,kar liem ta kha veng tieng a lo suok ve ta.

~ Hun sawt tak khuo tieng Nu ang-sunga a hang chawlhadan hnungin, Sally Lalrinmawi chu Kolivery Kotthler mi hrut pui nawk dingin kar liem tah khan Mumbai a lo hung tlung nawk tah Chuong ang bawkin Debori Joute,masi hmanga Rengkai-ah chuong chen nu-lepa,u-le-nau hai leh hun sawt tk a hang hmang hnungin,Mumbai a lo hung tlung nawk tah.Ama ruol hin Dorothy le asangnu hai khoma an hung zui ve nghal.Unaunu Sangi Amo,chuong chen RCCL,Florida sin thaw-a a um hnungin,chawl hmangin inrinni zan khan Mumbai a hung tlung nawk tah.

~ Voisun Eli Khawbung le Pu Lalrothang Tusing hai chu hun sawt taka an in buotsai na sukpuitling dingin Allahabad Bank huoihawtna hnuoi ah exam an pek.MT chun hlawtlingna lawmum tak an hung dawng ngei a nuom pui hle.

TRONGBAU

“ Tulai Khar tieng ka leng ngun taluo leiin;Kalina chanchin ka hriet rak naw-,U Lalal hi John Dulien a lo ni zing,ka hriet chau!”

Nk Hmangaizuol(Cooker)

“Tulai chu zawngtra lovin ka hun ka hmang zo...a tung in ka tang met leh..mi puon em khom ku hih zawngtra hmu in ka hmu-a,lo ka tum pei el anih”

Ms. Zothansung

“Tulai Buona um naw sung Bollywood side dancer a thrang ve beisei in,lam kan chuk char(2)..Birthday hnai dam in um chun mung hril tei tei ro..free im hung show thei ka tih” Nk Blessed Rody

“Ka fe hma khan chu Mumbai tlungval ruol hih a hawn hawnin kan PG ah in an hunglut hlaka,anachu tuta tum ka hung kir hnung hin chu one man army chau in a mi ngaina a hawi ta bawk el a”

Nk Sally Lalrinmawi(Lai-rai)

“ Zankhat nunghak lenga ka fe chu,ka nunghak leng han Class-8 inchuk an mi lo sawn ve ringot..ka kum ka zuk hril chu..trit khom an ti ngam ta nawh...Pupu an mi tin naw chau anih”

Tv Hau Joseph (Upa-Naupang)

“ Tulai massage ka addict a,kan ina hung leng phot ka lo massage tum vonga..tlangval hai mi ngaimak naw ro.

Nk Sally Lalrinmawi(Lai-rai)